O Pórtico na literatura

A recente Semana Cultural tivo como fío condutor o Pórtico da Gloria e a súa época histórica. Nas clases de literatura estivemos rastrexando os variados escritores que ao longo da historia quedaron fascinados pola beleza do Pórtico, entre eles Rosalía de Castro, Julio Llamazares, Jorge Luís Borges… Aquí deixamos unha pequena mostra do traballo feito nas clases de 2º e 3º da ESO.

Día da paz

Poema escollido polos alumnos de 4º da ESO para ler no acto celebrado co gallo do Día da Paz. A autora, Warsan Shire, é de orixe somalí aínda que vive en Londres. Home, un dos seus poemas máis coñecidos, converteuse nun fenómeno viral nas redes sociais durante a crise dos refuxiados. Publicamos só uns fragmentos lidos polos nosos alumnos esta mañá.

HOME / FOGAR

Ninguén deixa o seu fogar a menos
que o seu fogar sexa a boca do lobo
só corres cara á fronteira
cando ves ao resto da cidade correndo tamén

Os teus veciños corren máis rápido que ti
co alento sanguento nas súas gargantas
o rapaz co que foches á escola
o que te bicou trala vella fábrica de lata
suxeita agora unha arma máis grande que el
só deixas o teu fogar
cando o teu fogar xa non te deixa estar

[…]

Ninguén deixa o seu fogar
ata que o seu fogar non é unha voz que lle di:
vaite, fuxe de min agora
no sei en qué me convertín
pero sei que en calquera lugar
estarás máis seguro que aquí.

 

Por que xente lendo?

Este blog nace do proxecto lector iniciado polo Seminario Menor da Asunción de Santiago de Compostela neste curso 2018-2019 chamado Búscase xente lendo. Comezou dito plan cun concurso posto en marcha no mes de setembro no que se busca ao alumno máis lector para premialo.

O seguinte paso é botar a andar este blog para dar voz aos lectores do Seminario, xa sexan alumnos, profesores, pais ou persoal do Centro. Aquí poderemos recomendar libros que nos gusten, difundir noticias relacionadas cos libros e a lectura, informar sobre charlas ou visitas que diversos autores fagan ao noso centro…