Xente Lendo

Como pasa tantas veces , da lectura dunha historia saen outras, outros temas que tratar. Entre as actividades programadas no Mes das letras incluímos unha charla cun membro do consello de redacción da revista Encrucillada, aquela da que formara parte o protagonista da historia de solidariedade con Seoane. Marisa Vidal, Marisa de Corme, veunos falar da historia desta revista que cumpre 40 anos e que, dunha maneira rigorosa e sempre en galego, analiza a realidade galega en todos os eidos (literatura, filosofía, historia, teoloxía…)  desde un punto de vista cristián.

Agora que remata o curso lembramos os traballos realizados ao longo destes meses relacionados coa literatura. Con motivo da homenaxe que este ano se lle brindou a Luís Seoane  co Día das Artes Galegas, os alumnos de 4º da ESO elaboraron unha exposición investigando nas súas distintas facetas artísticas. O que non esperabamos era atoparnos cunha historia de solidariedade entre o artista e un sacerdote que ademais, de maneira indirecta, ten que ver co noso centro. O texto que segue, que formaba parte da exposición,  conta esa historia.

O CRISTO OBREIRO

Estamos ante unha das obras máis emblemáticas do seu autor, non só porque se trata dun magnífico exemplo da súa última época, senón porque ademais é unha obra ateigada de historia e significado. A historia está ligada á dun sacerdote: Manuel Espiña.

Espiña nacera en Folgoso (Cerdedo), nas mesmas fragas que viron medrar a un neno cun compromiso inesquecible para o país: o Padre Sarmiento. Estudou no Seminario de San Martiño Pinario en Santiago, e na Universidade de Comillas (Santander). Cursou despois humanidades e as carreiras de Filosofía e Teoloxía. Alí ordenouse sacerdote en 1959. O seu primeiro destino foi como vicario parroquial en Santa María do Azougue (Betanzos) e despois exerceu de director espiritual no Seminario Menor de Belvís, en Santiago. Alí conseguiu erradicar os castigos aos seminaristas que falaban galego.

Do que máis orgulloso estaba Espiña era do seu compromiso coa lingua e, dos 32 anos de profesor universitario, desde 1965, todos impartidos en galego. Débenselle a el as primeiras traducións ao galego dos Evanxeos e do misal e numerosas publicacións en defensa da lingua e da cultura do noso pobo. Nos anos setenta presidiu as Xornadas Patrióticas Galegas na Arxentina e no Uruguai e funda na Coruña a comunidade de base “Home Novo”. Foi membro do Consello de Redacción da revista Encrucillada durante 30 anos, e colaborador de Irimia e das Romaxes de Crentes Galegos.

Durante anos oficiou a Misa en Galego, radiada desde o Convento das Capuchinas da Coruña, seguida por moita xente non só pola lingua senón polo ton crítico das homilías de Espiña. Unha delas custoulle unha multa de 200.000 pesetas daquel tempo. Funcionou a solidariedade. Luis Seoane regaloulle a pintura “Cristo obreiro” para que a vendese e puidese pagar a multa. Non foi necesario, centos de amigos reuniron os cartos e a obra foi depositada na Fundación Luís Seoane da Coruña.

A min o libro gustoume porque non esperas nada do que vai  ocorrer pero o final non me gustou moito xa que me decepcionou. Eu pensaba que os que daban as badaladas eran un fantasma ou un tolo e ao final era unha persoa corrente.

Unha rapaza con apendicitis ten que estar case dous meses na cama para recuperarse. Nese periodo a súa nai  regaloulle un album de fotos, nela vai poñendo fotos que tiña na casa, mentres as vai poñendo vai contando as historias que van con ela.

O libro gustoume moito pero non me gustou tanto como o Enigma de Embivicus.

A min gustoume porque me sentín identificado porque cumpre o mesmo día ca min

E os amigos invisibles fixéronse visibles e os libros chegaron. E nalgúns casos moi acertadamente!

Dentro das actividades do Mes das Letras quixemos celebrar o 25 aniversario do Xabarín Club, dado o seu innegable papel na normalización lingüística e na promoción do galego en ámbitos como a música ou a banda deseñada.  Fundamentalmente centrada na música estivo a charla que deu o actor Manuel Manquiña, que viviu en primeira persoa o nacemento e auxe do Clube.

Pero se o que queredes é ler e afondar sobre o que significou para varias xeracións recomendamos o número especial que a Revista Luzes publicou no mes de decembro pasado. Lembrar tamén que o pasado 11 de maio foille entregada a dita revista o Premio Xornalismo Cultural na Gala do Libro 2019.

 

 

Con motivo do Día das Letras Galegas desenvolvemos no Seminario múltipes actividades arredor da figura de Antonio Fraguas. Tivemos con nós a D. Clodio González, compañeiro seu, director do Museo do Pobo Galego e contounos, entre outras cousas, que o seu labor xirara fundamentalmente arredor da etnografía e da cultura popular en xeral. No que ten que ver coa literatura compilou lendas e cantigas e populares como a que aquí vos amosamos.

A Biblioteca da Universidade de Santiago (BUSC) ten un blog adicado á figura e á obra de Antonio Fraguas Fraguas, ao que se homenaxea no día das Letras galegas 2019. Fai un percorrido pola súa vida e pola súa obra con atención especial á relación que mantivo coa Universidade e pódese acceder a través da ligazón https://letrasga2019.wordpress.com/

 

 

Os alumnos de 4º ESO ,  1º  e 2º de Bacharelato están estes días pensando en libros. Aceptaron participar nun xogo: despois de facer un sorteo, cada un debe mercar un libro a un compañeiro sen que este o saiba. Polo tanto, deben adicar un tempo a pensar cal é o libro acaído, cal lle pode gustar máis. Proximamente comprobaremos se acertamos