Dúas datas -o 23 de abril e o 17 de maio- e dous nomes -Miguel de Cervantes e Rosalía de Castro-, que non necesitan máis explicación, encadran o “Mes das Letras” que xa estamos celebrando.
O prato principal é a poesía de Xela Arias (sérvese o menú poético do día nos corredores do claustro), pero tamén hai exposicións, música, conferencias, contacontos, libros, artesanía, gastronomía, …
E, por suposto, o concurso “Búscase xente lendo”, para o que quedades retados e convidados.