Mañá xoves terá lugar este encontro que se encadra dentro do Plan Lector do centro e pecha unha serie de actividades que se viñeron celebrando ao longo do curso. Moitos de vós lestes un dos seus libros máis recoñecidos: Valdemuller, que obtivera o Premio Barco de Vapor e que máis tarde sería adaptada ao teatro polo Centro Dramático Galego.
No acto tamén se fará entrega dos premios aos alumnos máis “lectores” gañadores do concurso Búscase xente lendo.
Xosé Neira Cruz, nado en Compostela, é licenciado en Filoloxía Italiana e en Ciencias da Información pola USC. Recoñecido tanto en Galicia como fóra dela, ten unha obra moi extensa e conta no seu haber con múltiples premios de prestixio.
